INNRITAÐU TÖSKURNAR AÐ HEIMAN

Hvað er Bagbee?

BagBee er farangursþjónusta sem sérhæfir sig í fjarinnritun fyrir flugfélög. Fjarinnritun þýðir að þú innritar töskurnar áður en farið er á flugvöllinn

Af hverju ætti ég að nota farangursþjónustu BagBee?

Kostir þess að nota fjarinnritunina eru m.a. að þú þarft ekki að koma töskunum þínum á flugvöllinn, þú þarft ekki að skipuleggja ferðina út á völl kringum farangurinn, þú sleppir innritunarröðinni og getur mætt seinna á flugvöllinn (sem getur þýtt meiri svefn),

Get ég treyst BagBee fyrir töskunni minni?

BagBee innritunarþjónustan er í samstarfi við flugfélögin og flugvallaryfirvöld. Bagbee er sérhæft fyrirtæki í farangursþjónustu, stofnendurnir búa yfir 25 ára reynslu í ferðaþjónustu. Við erum fagfólk og leggjum metnað okkar í að veita viðskiptavinum og samstarfsaðilum góða þjónustu. Þjálfaðir bílstjórar innrita töskurnar, þær eru innsiglaðar og undir myndavélaeftirliti frá því að þeim er hlaðið í bíla okkar og þar til þær eru afhentar í "bag drop" á flugvellinum. Þú færð sendan hlekk svo þú getir fylgst með staðsetningu bílsins og færð svo senda staðfestingu þegar taskan er afhent á flugvellinum.

Hvaða flugfélög þjónustar BagBee?

Við erum í samstarfi við eftirfarandi flugfélög: Icelandair og Play. Fleiri flugfélögum verður svo bætt við í framtíðinni.

Hvert get ég fengið BagBee til að sækja farangurinn?

BagBee þjónustar svæðið frá Mosfellsbæ að Keflavík. Ef heimilisfang kemur ekki upp í leitinni í bókunarferlinu, eru líkur á að BagBee geti ekki sótt farangurinn þangað.

Innritar BagBee farangur til allra landa?

BagBee innritar farangur til allra landa nema Kanada.

Er farangursþjónustan örugg?

BagBee starfar eftir ströngum verklagsreglum til að tryggja öryggi farangursins og farþeganna. Töskurnar eru aldrei utan myndbandseftirlits nema í stuttan tíma þegar verið er að flytja þær frá útidyrum að bílnum. Viðskiptavini er svo frjálst að fylgja töskunni að bílnum.

Töskurnar eru innsiglaðar og innsiglin eru númeruð svo viðskiptavinurinn getur séð ef innsiglið hefur verið verið rofið og/eða skipt út.

Hvernig virkar innritunarþjónustan?

Auðvelt er að bóka farangursþjónustuna og ferlið er einfalt.

1. Þú pantar farangursþjónustuna á vefsíðu BagBee eða í gegnum hótelið þitt eða ferðaskrifstofu.

2. Bílstjóri BagBee kemur til þín innan þess tímaramma sem þú valdir

3. Brottfararspjaldið þitt er skannað, töskumiðinn er prentaður, taskan innsigluð og merkt og svo er hún flutt út á flugvöll og innrituð fyrir þig.

4. Þú sækir töskuna á áfangastað, alveg eins og ef þú hefðir innritað hana sjálfur

Hversu þung má taskan vera?

Töskurnar verða að vera innan farangursheimildar bókunarinnar. BagBee bílstjórinn skannar brottfararspjaldið þitt og fær þannig upplýsingar um farangursheimildina þína. BagBee getur ekki tekið við töskum sem eru utan farangursheimildar og/eða fara yfir þyngdarmörk.

Verðin

Verð miðast við fjölda taskna. Grunnverðið fyrir fyrstu tösku er 6.990 kr. og auka taska kostar 1500 kr. Farangur í umframstærð kostar 2500 kr. Vinsamlegast hafið samband við bagbee@bagbee.is til að bóka fleiri en 10 töskur í einu.

Hvenær ætti ég að bóka þjónustuna?

Þegar þú hefur bókað flugið geturðu strax bókað þjónustu Bagbee. Það eru takmörk á því hversu margar pantanir við getum annað daglega. Athugið að við getum ekki innritað töskuna fyrir þig nema þú hafir innritað þig á netinu áður en bílstjórinn mætir.

Hvernig get ég breytt bókun?

Bókunum er hægt að breyta með því að senda tölvupóst á bagbee@bagbee.is með pöntunarnúmeri og upplýsingum um hvaða breytinga er óskað. Til dæmis breytingu á dagsetningum, heimilisfangi eða fjölda hluta.

Hvernig afbóka ég?

Þú getur afbókað til klukkan 15:00 daginn fyrir flug. Sendu okkur tölvupóst á bagbee@bagbee.is með pöntunarnúmeri og netfangi sem notað var við bókunin. Við afbókum þá og endurgreiðum inn á greiðslukort.

Get ég innritað hjólatöskur, skíði, golfsett og annan umframfarangur?

BagBee getur innritað allan venjulegan og óvenjulegan farangur svo lengi sem flugfélagið tekur við honum. Þar á meðal hjólakassa, skíði, golfsett, kerrur og annað. Vinsamlegast athugaðu að sumir hlutir eru ekki leyfðir í farangri eða þurfa að vera skoðaðir áður. Bagbee getur ekki tekið við slíkum hlutum. Sjá nánar undir „farangurstakmarkanir“.

Er hámark á fjölda hluta sem ég má innrita?

Það er enginn hámarksfjöldi sem við getum afgreitt en bókanir fyrir fleiri en 30 hluti þurfa að sendast á bagbee@bagbee.is.

Gæti ég innritað eina tösku með BagBee og aðra á flugvellinum?

Já. Ef farangursheimild þín inniheldur fleiri en eina tösku, þá geturðu innritað t.d. eina hjá BagBee og aðra á flugvellinum.

Er hægt að innrita töskur frá fleiri flugvöllum en Keflavík?

Fyrst um sinn, mun BagBee eingöngu sjá um að innrita í flug með Icelandair og Play frá KEF flugvelli.

Getur BagBee sótt farangurinn minn á Keflavíkurflugvöll og skutlað heim?

Fyrst um sinn mun BagBee ekki ekki bjóða upp á flutning frá Keflavíkurflugvelli.

Hvað telst sem farangur í umframstærðum (odd-size)?

Umframstærðarfarangur eru t.d. golfpokar, skíði, hjól, hljóðfæri, kerrur og barnavagnar, stórir bakpokar með utanáliggjandi bindingum o.s.frv.

Við erum í hóp, þurfum við öll að hitta bílstjórann?

Aðeins þarf að athuga vegabréf fyrir einn farþega í hverri bókun. Það þýðir að aðeins einn einstaklingur úr fjölskyldu eða hópi getur innritað töskurnar fyrir allan hópinn ef hann er í einni bókun.

Hvenær verða töskurnar sóttar?

Í bókunarferlinu velur þú þann tímaramma sem hentar þér til að láta sækja töskurnar.

BagBee sækir farangurinn daginn fyrir flug milli kl. 17:00 og 22:00.

Þegar aksturinn hefst sendir BagBee textaskilaboð með nákvæmari áætluðum afhendingartíma ásamt hlekk til að fylgjast með því hvar bílstjórinn er staddur.

Hvað þarf að vera tilbúið þegar bílstjórinn mætir?

- Netinnritun þarf að vera lokið.

- Brottfararspjalið tilbúið, með QR kóða eða strikamerki.

- Hafa vegabréfið við höndina.

- Farangurinn tilbúinn til flutnings.

Hversu langan tíma tekur innritun?

Bílstjórinn þarf aðeins 3-5 mínútur með þér þegar hann sækir töskurnar. Vinsamlegast athugið að ef upp koma vandamál sem valda töfum á innritunarferlinu (t.d. farþegi ekki innritaður, taska yfir þyngdarmörkum og/eða vegabréf ekki til staðar) gæti bílstjóri neyðst til að fara án töskunnar.

Hvað gerist áður en bílstjórinn sækir töskuna?

Þegar bílstjóri BagBee leggur af stað færð þú SMS/tölvupóst með áætluðum komutíma ásamt hlekk sem gerir þér kleift að fylgjast með för bílstjórans áður en hann kemur til þín.

Nokkrum mínútum áður en bílstjórinn kemur færðu annað SMS um að hann sé væntanlegur og áminningu um að hafa töskurnar tilbúnar ásamt vegabréfi og brottfararspjaldi.

Hvernig fer töskuafhendingin fram?

Bílstjórinn skoðar vegabréfið, skannar brottfararspjaldið, vigtar farangurinn og gætir þess að hann sé innan þeirrar farangursheimildar sem hefur verið bókuð hjá flugfélaginu.

Bílstjórinn fer yfir öryggisspurningar með viðskiptavini, þar á meðal það sem ekki má innrita.

Bílstjórinn prentar út töskumiða, merkir farangurinn og innsiglar. Viðskiptavinur fær afrit af töskumiða sem og innsigli svo hægt sé að ganga úr skugga um að enginn hafi farið í farangurinn á meðan hann var í umsjá BagBee.

Viðskiptavinur kvittar fyrir afhendingu og staðfesting er síðan send til viðskiptavinar.

Bílstjórinn fer með töskuna út á flugvöll og afhendir töskuna. Staðfesting er send á viðskiptavin.

Hvað verður um töskuna mína eftir að hún er afhent?

Taskan er sett út í bíl og bílstjórinn heldur áfram á næsta afhendingarstað. Bíllinn er aldrei skilinn eftir ólæstur. Eftir síðustu móttöku fer bílstjórinn út á flugvöll með töskuna. Þú færð hlekk sendan sem gerir þér kleift að fylgjast með bílstjóranum á leiðinni.

Hvernig veit ég að taskan mín hefur verið afhent á flugvellinum?

Þegar BagBee hefur afhent töskurnar í "bag drop" á KEF flugvelli, er sendur sjálfvirkur staðfestingarpóstur til viðskiptavinar ásamt mynd af töskunni.

Hvernig er afhendingarferlið á flugvellinum?

Töskurnar eru keyrðar á flugvöllinn, skannaðar inn og sendar af stað. Viðskiptavinur mun fá tölvupóst með staðfestingu fyrir innritun ásamt mynd af töskunni í "bag drop". Þetta ferli á sér stað í kringum miðnætti fyrir morgunflug daginn eftir eða í kringum hádegi fyrir seinnipartsflug samdægurs.

Hvað geri ég ef fluginu mínu er aflýst?

Ef fluginu þínu er aflýst áður en taskan er sótt af BagBee vinsamlegast sendu okkur tölvupóst á bagbee@bagbee.is eða hringdu í +354 578 5900 og tilkynntu aflýsingu flugsins. Við munum breyta bókuninni eða hætta við og endurgreiða bókunina þína.

Ef flugi þínu er aflýst eftir að töskurnar eru sóttar, vinsamlegast sendu okkur tölvupóst á bagbee@bagbee.is eða hringdu í +354 578 5900 og tilkynntu okkur um aflýsinguna. Við tökum töskuna þína til hliðar og afhendum hana ekki á flugvellinum. Síðan er hægt að sækja töskuna í farangursgeymslu okkar eða við afhendum þér hana til baka í næstu akstursáætlun.

Ef flugi þínu er aflýst eftir að farangur hefur verið innritaður, vinsamlegast hafðu samband við flugfélagið í gegnum tölvupóstinn hér að neðan til að nálgast töskuna þína.

Icelandair: baggage@icelandair.is, Play: baggage@airportassociates.com

Hvað geri ég ef flugi mínu er seinkað?

Ef fluginu þínu er seinkað en brottför áætluð innan sama hluta dags (morgna/síðdegis) er ekki þörf á neinum breytingum.

Ef fluginu er seinkað þannig að nýr brottfarartími hefur færst frá morgni til eftirmiðdegis eða öfugt, sendu okkur þá vinsamlegast tölvupóst á bagbee@bagbee.is og við munum breyta móttökutíma í samræmi við það eða hætta við bókun og endurgreiða ef þess er óskað.

Ef þú vilt nálgast töskuna þína þá eiga sömu reglur við og ef fluginu var aflýst.

Hvað gerist ef ég er sein(n) á flugvöllinn eða missi af fluginu?

Ef þú sérð fram á að vera of sein(n) í flugið þitt og taskan er enn í vörslu BagBee, sendu þá vinsamlegast á okkur tölvupóst á bagbee@bagbee.is eða hringdu í +354 578 5900 og láttu okkur vita. Við munum þá ekki innrita töskuna.

Ef taskan hefur verið innrituð, vinsamlegast hafðu samband við flugfélagið í gegnum tölvupóstinn hér að neðan til að nálgast töskuna þína.

Icelandair: baggage@icelandair.is, Play: baggage@airportassociates.com

BagBee getur ekki innritað töskur sem innihalda eitthvað af eftirfarandi hlutum:

• Hlutir með íföstum liþíum rafhlöðum, t.d. hleðslubankar

• Rafhlöður

• Gas eða útilegueldsneyti (þar á meðal tóm ílát)

• Skotfæri

• Skotvopn

• Eldfimir eða ætandi vökvar (þar á meðal piparúði)

• Sprengiefni (þar á meðal flugeldar)

• Allir hlutir sem innihalda gas eða hvellhettur (þar á meðal snjóflóðabakpokar)

• Þurrís

• Rafsígarettur

• Eitur

• Ætandi efni (þar með talið klór)

• Geislavirk efni

• Ólöglegir hlutir samkvæmt íslenskum lögum

Ef þú ert í vafa, vinsamlega hafið samband við bagbee@bagbee.is og við veitum frekari upplýsingar.